කාලගුණ විද්යා දෙපාර්තමේන්තුව පවසන්නේ අද (03) දිනයේ මධ්යම, සබරගමුව, ඌව, නැගෙනහිර සහ දකුණු පළාත්වල විටින් විට වැසි හෝ ගිගුරුම් සහිත වැසි ඇතිවිය හැකි බවයි.
එමෙන්ම සබරගමුව පළාතේ මෙන්ම මහනුවර සහ නුවරඑළිය දිස්ත්රික්කවල ඇතැම් ස්ථානවලට මිලිමීටර් 100 ඉක්මවූ තද වැසි ඇද හැලීමේ හැකියාව පවතින බව අනාවැකි අංශය නියෝජ්ය අධ්යක්ෂ ජීවන් කරුණාරත්න මහතා සඳහන් කළේය.
බස්නාහිර, වයඹ සහ උතුරු මැද පළාත්වලද වැසි වාර කිහිපයක් අපේක්ෂා කෙරේ.
උතුරු මැද, සබරගමුව, දකුණු, මධ්යම සහ වයඹ පළාත්වල විටින් විට පැයට කිලෝමීටර් 40 සිට 50 දක්වා වේගයෙන් තද සුළං හමනු ඇති බව ද කාලගුණ විද්යා දෙපාර්තමේන්තුව අනතුරු අඟවයි.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීමට අවශ්ය ආරක්ෂිත පියවර අනුගමනය කරන ලෙස ජනතාවගෙන් ඉල්ලා සිටී.
