වත්මන් ආණ්ඩුව යටතේ නීතිය නිසි පරිදි ක්‍රියාත්මක වීම හේතුවෙන් මීට පෙර එකිනෙකා විවේචනය කරගත් දේශපාලන කණ්ඩායම් දැන් එකට එක්වෙමින් සිටින බව නියෝජ්‍ය අමාත්‍ය සුනිල් වටගල පැවසීය.
යහපත් ආණ්ඩුකරණයක් ක්‍රියාත්මක කිරීම ඇතැම් පාර්ශ්වයන්ට දරාගත නොහැකි වී ඇති බව සඳහන් කළ ඔහු, අතීතයේදී දේශපාලන කණ්ඩායම් අතර බලය හුවමාරු කරගැනීමේ ක්‍රමවේදයක් පැවති බවත්, වර්තමානයේ ජනතාවාදී ආණ්ඩුවක් බිහි වී ඇති බවත් ප්‍රකාශ කළේය.
වත්මන් පාලනය යටතේ නීතිය නිසි ලෙස ක්‍රියාත්මක වන බව ඇතැම් පාර්ශ්වයන්ට අවබෝධ වී ඇති බැවින්, මීට පෙර එකිනෙකා සමඟ විරසකව සිටි කණ්ඩායම් එකට එක්වී ඇති බවද ඔහු කියා සිටියේය.
සජිත් ප්‍රේමදාස සහ රනිල් වික්‍රමසිංහ අතර පවතින දේශපාලන සමීපතාව මෙන්ම, නාමල් රාජපක්ෂ විවේචනය කළ සුජීව සේනසිංහ ඔහු සම්බන්ධයෙන් පවතින සිදුවීමකදී බන්ධනාගාරය අසලට ගොස් සිටීමද උදාහරණ ලෙස දක්වමින් නියෝජ්‍ය අමාත්‍යවරයා මේ බව පැවසීය.
මීට පෙර එකිනෙකාට විරුද්ධව සිටි දේශපාලන පාර්ශ්ව දැන් එකට එක්වීමෙන් එම කණ්ඩායම්වල සැබෑ දේශපාලන ස්වභාවය පැහැදිලි වන බවද ඔහු වැඩිදුරටත් සඳහන් කළේය.
සම්පූර්ණ ප්‍රකාශය අපගේ ‘webnews’ youtube නාලිකාවෙන් නරඹන්න. >>>>>>>
