මඩකලපුව–පොතුවිල් ප්‍රදේශය ආශ්‍රිතව ඩොප්ලර් කාලගුණ රේඩාර් පද්ධතියක් ස්ථාපිත කිරීම සඳහා ජපානයේ සහාය ඉල්ලා ඇති බව ආරක්ෂක නියෝජ්‍ය අමාත්‍ය අරුණ ජයසේකර මහතා පවසා තිබේ.
ශ්‍රී ලංකාවේ කාලගුණ නිරීක්ෂණ පහසුකම් පුළුල් කිරීමේ අරමුණින් මෙම ඉල්ලීම ඉදිරිපත් කර ඇත.
පුත්තලම ප්‍රදේශයේ ඉදිකෙරෙමින් පවතින රේඩාර් පද්ධතියට අමතරව නැගෙනහිර ප්‍රදේශය ආවරණය වන දෙවැනි පද්ධතියක් පිහිටුවීම පිළිබඳව මෙහිදී අවධානය යොමුව තිබේ.
කෙසේ වෙතත්, ජපානයෙන් මූල්‍ය ආධාර අනුමත වී ඇති බවක් හෝ නව පද්ධතියේ ඉදිකිරීම් ආරම්භ කර ඇති බවක් දැනට තහවුරු කර නැත.
