සෞදි අරාබියේ රියාද් අගනුවර පිහිටි ප්රධාන පෙළේ කිං කාලිඩ් ජාත්යන්තර ගුවන්තොටුපළ සහ මූල්ය මධ්යස්ථානයක් ඉලක්ක කර බැලස්ටික් මිසයිල ප්රහාර කිහිපයක් එල්ල කළ බව යේමනයේ හූති කැරලිකරුවන් පවසයි. ඉරානයේ සහාය ලබන මෙම කැරළි කණ්ඩායම සඳහන් කර ඇත්තේ අදාළ ප්රහාරය සඳහා බැලස්ටික් මිසයිල දෙකක් යොදාගත් බවයි.
රියාද් අගනුවරට මෙන්ම අවට ප්රදේශවලට ප්රධාන වශයෙන් සේවා සපයන ප්රධාන ගුවන් ප්රවාහන මධ්යස්ථානයක් වන කිං කාලිඩ් ජාත්යන්තර ගුවන්තොටුපළ මෙලෙස ප්රහාරයේ ප්රධාන ඉලක්කයක් වී තිබේ.
ගුවන්තොටුපළට අමතරව රියාද් නගරයේ පිහිටි ප්රධාන මූල්ය මධ්යස්ථානයක් ද තමන් විසින් එල්ල කරන ලද මෙම මිසයිල ප්රහාරයේ ඉලක්කයක් වූ බව හූති සංවිධානය වැඩිදුරටත් ප්රකාශ කර ඇත. කෙසේ වෙතත්, මෙම ප්රහාර හේතුවෙන් සිදුවී ඇති දේපළ හානි හෝ ජීවිතක්ෂයට පත්වීම් පිළිබඳව නිල වශයෙන් මෙතෙක් තොරතුරු වාර්තා වී නැත.




