හෙක්ටයාර් 65 ක් පුරා විහිදී පවතින බේරේ වැව සංවර්ධනය සඳහා අවශ්ය තිරසර සැලසුම් සකස් කිරීමේ අරමුණින් අද දිනයේ බේරේ වැවෙහි ස්ථාන තුනක නිරීක්ෂණය සිදු කරන ලදී.
මෙම අවස්ථාවට සහභාගි වූ අමාත්ය එරංග ගුණසේකර මහතා ප්රකාශ කළේ, 2014 දී ආරම්භ කළ පාවෙන වෙළදසැල් සංකීර්ණය ව්යාප්ෘතිය මුල් සැලැස්මෙන් ඉවතට ගොස් දේශපාලනික ක්රියාමාර්ග හේතුවෙන් වෙනස් වී ඇති බවයි.
ඔහු සඳහන් කළේ, මුල් අරමුණ වූ පාවෙන නගරයක් බවට පත් නොවී, දැන් එය ‘පාවෙන අපායක්’ බවට පත්ව ඇති බවත්, එය යළි යථාවත් කිරීමට කෙටි සහ දීර්ඝ කාලීන සැලසුම් සකස් කිරීමට අවශ්ය බවත්ය.
එය යථා තත්ත්වයට පත් කිරීමට අමාත්යාංශය විසින් අවුරුද්ද ඇතුළත ක්රියාමාර්ග ආරම්භ කිරීමට කටයුතු කරන බවද ඔහු පැවසීය.
ඉදිරි කාලයේදී බේරේ වැව මිනිසුන්ට සහ ව්යාපාරිකයන්ට පාවිච්චි කළ හැකි ස්ථානයක් බවට පත් කිරීමත්, නගරයෙහි අලංකාරය වැඩි කරනු ලබන විදේශිකයන් ගැවසෙන ස්ථානයක් බවට පත් කිරීමත් අරමුණක් බව අමාත්යවරයා අවධාරණය කළේය.
සම්පූර්ණ ප්රකාශය අපගේ ‘webnews’ youtube නාලිකාවෙන් නරඹන්න. >>>>>>>
