පාර්ලිමේන්තු මන්ත්රී රවී කරුණානායක මහතා එක්සත් ජාතික පක්ෂයේ අභ්යන්තර කටයුතු සහ මෑතකදී නිකුත් කර ඇති නිවේදන කිහිපයක් සම්බන්ධයෙන් දැඩි විවේචන එල්ල කළේය.
මාධ්ය වෙත අදහස් දක්වමින් ඔහු ප්රකාශ කළේ, පක්ෂයේ නිල ස්ථාවරය ලෙස ඉදිරිපත් කෙරෙන ඇතැම් අදහස් සැබවින්ම පක්ෂයේ සමස්ත මතය නොව, පුද්ගලයන් කිහිප දෙනෙකුගේ මතයන් පමණක් බවයි.
තමන් වසර ගණනාවක සිට පක්ෂය සමඟ කටයුතු කළ ජ්යෙෂ්ඨ සාමාජිකයෙකු බව පෙන්වා දුන් රවී කරුණානායක මහතා, වර්තමානයේ පක්ෂයේ තීරණ ගැනීමේ ක්රියාවලිය තුළ දීර්ඝකාලීන සාමාජිකයන්ට ප්රමාණවත් අවස්ථාවක් නොලැබෙන බවට ද චෝදනා කළේය.
එමෙන්ම, පක්ෂයේ ඇතැම් පිරිස් වෙනත් පක්ෂවල සාමාජිකයන්ට එක්සත් ජාතික පක්ෂයට එක්වන ලෙස ආරාධනා කිරීම සම්බන්ධයෙන් ද ඔහු ප්රශ්න කළේය.
තමන්ගේම පක්ෂයේ සාමාජිකයන්ට නිසි අවස්ථාවන් ලබා නොදී, වෙනත් පක්ෂවල අයට මෙහි එක්වන ලෙස ආරාධනා කිරීම කොතරම් සාධාරණදැයි විමසිය යුතු බව ඔහු මෙහිදී ප්රකාශ කළේය.
එක්සත් ජාතික පක්ෂයේ අභ්යන්තර ප්රජාතන්ත්රවාදය, තීරණ ගැනීමේ ක්රියාවලිය සහ සාමාජිකයන්ට ලබාදෙන අවස්ථා පිළිබඳව නැවත සලකා බැලීමේ අවශ්යතාවක් පවතින බව ද පාර්ලිමේන්තු මන්ත්රී රවී කරුණානායක මහතා වැඩිදුරටත් සඳහන් කළේය.
සම්පූර්ණ ප්රකාශය අපගේ Webnews’ youtube නාලිකාවෙන් නරඹන්න.>>>>>>>
