අපරාධ පරික්ෂණ දෙපාර්තමේන්තුවේ අත්අඩංගුවට පත් එම්.වී. එක්ස්ප්‍රස් පර්ල් නෞකාවේ කපිතාන්වරයා රුපියල් ලක්ෂ 20ක පෞද්ගලික බැඳුම්කරයක් මත මුදා හැරීමට කොළඹ ප්‍රධාන මහාධිකරණය අද (14) නියෝග කළේ ය.
ඒ කොළඹ ප්‍රධාන මහාධිකරණ විනිසුරු දමිත් තොටවත්ත මහතා හමුවේ නඩුව අද කැඳවූ අවස්ථාවේදී ය.
විත්තිකාර කපිතාන්වරයාට විදේශගතවීම වළක්වමින්, විත්තිකරුගේ විදේශගමන් බලපත්‍රය අධිකරණ භාරයට පත්කරන ලෙස, මහාධිකරණ විනිසුරුවරයා එහිදී නියෝග කළේ ය. නඩුව ලබන 01 වනදා යළි කැඳවීමට නියමිතයි.
