කොළොන්නාව නගර සභාවේ බලය පිහිටුවීමට ජාතික ජන බලවේගය අද (දිනය) දිනයේදී සමත්විය.ඒ අනුව, නගරාධිපති ලෙස මොන්ටි ධම්මික මහතා තේරී පත්වී ඇති අතර, උප නගරාධිපති ලෙස සේනක සමන් සෙනෙවිරත්න මහතා තේරී පත්වී ඇත.නගරාධිපති තේරීම සඳහා පැවති ඡන්ද විමසීම උණුසුම් වූ අතර, එහිදී නගරාධිපතිවරයා තෝරා ගැනීම කුමන ඡන්ද ක්‍රමයකින් සිදු විය යුතුදැයි වූ විමසීමක් හේතුවෙන් පාර්ශ්වයන් අතර විවාදයක් මතුවිය.මෙම අවස්ථාවේදී මන්ත්‍රීවරුන් පිරිසක් විරෝධය පළ කරමින් සභාවෙන් පිටව ගිය අතර, සමගි ජන බලවේගයේ මන්ත්‍රීවරයෙකු ජාතික ජන බලවේගයට සහාය දක්වමින් එහි රැඳී ඇත.පසුව පැවති රහස් ඡන්දය තුළ, ජාතික ජන බලවේගයේ අපේක්ෂකයා ඡන්ද 10ක් ලබාගෙන නගරාධිපති ලෙස පත්විය.