කැබිනට් මාධ්‍ය ප්‍රකාශක නලින්ද ජයතිස්ස
ශ්‍රී ලංකාවේ හිටපු හමුදා ප්‍රධානින් තුන්දෙනෙකු සහ නියෝජ්‍ය අමාත්‍යවරයෙකුට එරෙහිව එක්සත් රාජධානිය විසින් සම්බාධක පැනවීමට ගනු ලැබ ඇති තීරණය පිළිබඳව අමාත්‍ය මණ්ඩලයේ අවධානය යොමු වූ බව කැබිනට් මාධ්‍ය ප්‍රකාශක නලින්ද ජයතිස්ස මහතා පවසනවා. තවද ඒ සම්බන්ධයෙන් කරුණු අධ්‍යනය කර ගත යුතු ඉදිරි පියවර පිළිබඳව අමාත්‍ය මණ්ඩලය වෙත නිර්දේශ සහිත වාර්තාවක් ඉදිරිපත් කිරීමට අමාත්‍ය කමිටුවක් පත් කිරීමටත් එම කමිටුවේ කාර්යයන් සඳහා අවශ්‍ය යැයි සැලකෙන අදාළ විෂය පිළිබඳ ප්‍රවීණතාවයක් සහිත අන් කවර හෝ නිලධාරියෙක්, විශේෂඥයෙක්, විද්වතෙකුගේ සේවය ලබාගන්නත් කමිටුව වෙත බලය පැවරීමට අමාත්‍ය මණ්ඩලය තීරණය කර ඇති බවද එතුමා සඳහන් කළා.
එම කමිටුවෙහි විදේශ කටයුතු විදේශ රැකියා සහ සංචාරක අමාත්‍ය ගරු විජිත හේරත් මැතිතුමාත්, අධිකරණ සහ ජාතික ඒකාබද්ධ අමාත්‍ය ගරු හර්ෂ නානායක්කාර මැතිතුමා සහ ආරක්ෂක නියෝජ්‍ය අමාත්‍ය ගරු අරුණ ජයසේකර මැතිතුමා යන තිදෙනාගෙන් සමන්විත කමිටුවක් විසින් කැබිනට් මණ්ඩලයට වාර්තාවක් ඉදිරිපත් කිරීමට අනුමැතිය හිමි වී ඇත.
කැබිනට් මාධ්‍ය ප්‍රකාශක නලින්ද ජයතිස්ස සිදු කළ ප්‍රකාශය.
සම්පූර්ණ වීඩියෝව නැරැඹීමට>>>>>>>>>>>>>
