ජනාධිපති අරමුදලේ සේවා විමධ්‍යගත කිරීමේ ව්‍යාප්ත වැඩමුළු මාලාවේ තුන්වන අදියර ලෙස දකුණු පළාත් වැඩමුළුව ජූලි 5 වැනිදා මාතර දිස්ත්‍රික් ලේකම් කාර්යාලයේදී පැවැත්විණි.
මෙම වැඩමුළුවේදී විෂය නිලධාරීන්ට වෛද්‍යාධාර ඇතුළු ජනාධිපති අරමුදලේ සේවාවන් ප්‍රාදේශීය මට්ටමෙන් ක්‍රියාත්මක කිරීම පිළිබඳ පුහුණු වීමක් ලබා දිනි.
ජනාධිපති ජ්‍යෙෂ්ඨ අතිරේක ලේකම් රෝෂන් ගමගේ මහතා ඇතුළු ජ්‍යෙෂ්ඨ නිලධාරීන් විසින්, සේවාවන්ගෙන් ප්‍රතිලාභ ලබන ක්‍රියාවලිය සහ පරිගණක පද්ධතියේ භාවිතය පැහැදිලි කළාය.
මෙම වැඩසටහන ඔස්සේ කොළඹට සීමා වූ සේවාවන් දැන් දිවයින පුරා සියලුම ප්‍රාදේශීය ලේකම් කාර්යාලවලින් ලබාගත හැකි වන අතර, අවශ්‍ය ජනතාවට පහසුවෙන් ප්‍රතිලාභ ලබාදීමත්, අවභාවිතය අවම කිරීමත් මෙහි අරමුණු වේ.
මහජන සහන, ශිෂ්‍යත්ව, හදිසි සහනාධාර ඇතුළු සේවාවන් මෙහිදී අවධානයට ගැනුණු අතර, වැඩමුළුවට දකුණු පළාතේ විෂය නිලධාරීන් 100කට අධික පිරිසක් සහභාගිවුණා.
