මේ වනවිට පළාත් පාලන ආයතන 200ක බලය තහවුරු කර ගැනීමට ජාතික ජන බලවේගය සමත්ව තිබෙනවා.

ඒ අනුව, ඔවුන් සෘජුව ජයග්‍රහණය කළ පළාත් පාලන ආයතන 151ක් හා, සභාව රැස්වීමෙන් අනතුරුව බලය පිහිට වූ ආයතන සමඟ මෙලෙස පළාත් පාලන ආයතන 200 ක බලය තහවුරු කර ගැනීමට ජාතික ජන බලවේගය සමත් වී ඇති බවයි සඳහන් වෙන්නේ.

අද (24) දින බලය හිමිවූ ගම්පොළ නගර සභාව සහ බෙන්තොට ප්‍රාදේශීය සභාව සමග සමගි ජන බලවේගය පළාත් පාලන ආයතන 27 ක බලය තහවුරු කිරීමට සමත් වී තිබෙනවා.

මීට අමතරව, ඉලංගෙයි තමිල් අරසු කච්චි පක්ෂය පළාත් පාලන ආයතන 17ක බලය තහවුරු කරගෙන ඇති අතර, පොදුජන පෙරමුණට, ලංකා කම්කරු කොංග්‍රසයට සහ මුස්ලිම් කොංග්‍රසයට පළාත් පාලන ආයතන 03 බැඟින් හිමි වී ඇති බවයි සඳහන් වෙන්නේ.

ස්වාධීන කණ්ඩායම් ඇතුළු සෙසු පක්ෂ කිහිපයක්ද පළාත් පාලන ආයතන 12ක බලය හිමිකර ගෙන ඇති අතර, තවත් පළාත් පාලන ආයතන කිහිපයකම බලය පිහිටුවීමේ කටයුතු සිදුකිරීමට නියමිතව පවතිනවා.