පහත හේවාහැට, බිංගිරිය, වත්තල-මාබෝල, වැලිගෙපොළ සහ පන්නල යන පළාත් පාලන ආයතනවල බලය පිහිටුවීමට සමගි ජන බලවේගය අද (19) සමත් වුණා‍.

පහත හේවාහැට ප්‍රාදේශීය සභාවේ සභාපතිවරයා තෝරා ගැනීමේ ඡන්ද විමසීම අද උදෑසන පැවති අතර එහීදී සමගි ජන බලවේගයේ අපේක්ෂක කේ.එස්.පී. රාජනායක ඡන්ද 23ක් ලබා ගනිමින් සභාපතිවරයා ලෙස තේරීපත් වුණා.

බිංගිරිය ප්‍රාදේශීය සභාවේ අද උදෑසන පැවති ඡන්ද විමසීමේදී සමගි ජන බලවේගය ජය තහවුරු කරගෙන ඇති අතර, ඒ අනුව එම පක්ෂයෙන් ඉදිරිපත් වූ කමල් විශ්වනාත එහි නව සභාපතිවරයා ලෙස තේරීපත් වී තිබෙනවා.

මේ අතර, වත්තල-මාබෝල නගර සභාවේ නව නගරාධිපතිවරයා ලෙස W. ප්‍රකාශ් ‍තේරීපත් වී ඇති අතර, වැලිගෙපොළ ප්‍රදේශීය සභාවේ නව සභාපතිවරයා ලෙස සමගි ජන බලවේගයේ චමින්ද දසනායක 11 ක් ලබා ගනිමින් තේරීපත් වුණා.

එසේම පන්නල ප්‍රදේශීය සභාවේ බලය ලබා ගැනිමට ද සමගි ජන බලවේගය සමත් වූ අතර, එහි නව සභාපතිවරයා ලෙස H.M. නන්දසිරි තේරීපත් වී ඇති බවයි වැඩිදුරටත් සඳහන් වෙන්නේ.