ක්ෂේත්‍ර පැමිණීමේ හා ප්‍රවාහන දීමනාව යළි ලබා දීමට 2027 අයවැයෙන් විසඳුමක් ලැබී නැතැයි පවසමින් රාජ්‍ය සේවා ඉංජිනේරු සංගමය නොවැම්බර් 13 වැනිදා දිවයින පුරා එක්දින සංකේත වැඩවර්ජනයක් ප්‍රකාශයට පත් කළේය. ඉල්ලීමට විසඳුමක් නොලැබුණහොත් නොවැම්බර් 16 වැනිදා යළි වැඩවර්ජනයක් සහ විරෝධතා ක්‍රියාමාර්ගයක් පවත්වන බව සංගමය දැනුම් දී තිබේ.

ක්ෂේත්‍ර රාජකාරි සඳහා වැය වන මුදල් සැලකිල්ලට ගෙන එම දීමනාව රුපියල් 75,000ක් ලෙස යළි ලබා දෙන ලෙස සංගමය ඉල්ලා සිටී. ක්ෂේත්‍ර පරීක්ෂණ, සාමාන්‍ය රාජකාරි වේලාවෙන් පිටත කටයුතු සහ ප්‍රසම්පාදන කමිටුවලින් ඉවත් වීම ද සංගමය ප්‍රකාශ කළ වෘත්තීය ක්‍රියාමාර්ග අතර වේ.