කොළඹ ජනමාධ්‍යවේදීන්ගේ සංගමයේ වාර්ෂික සුවද හමුව සහ ක්‍රිකට් තරගය කෝට්ටේ අංගම්පිටිය ක්‍රීඩාංගණයේදී පැවැත්වුණා. අග්‍රාමාත්‍යය හරිනි අමරසූරිය මැතිතුමිය එහි ප්‍රධාන ආරාධිතයා ලෙස එක්වූ අතර, සෞඛ්‍ය හා ජනමාධ්‍ය අමාත්‍ය නලින් ද ජයතිස්සමැතිතුමත්, පක්ෂ විපක්ෂ පාර්ලිමේන්තු මන්ත්‍රීවරුන් ඇතුළු විශාල පිරිසක් ආරාධිත අමුත්තන් හැටියට පැමිණීමද මෙහි විශේෂත්වයක්. මෙම උත්සවය වාර්ෂිකව පවත්වනු ලබන්නේ කොළඹ ජනමාධ්‍යවේදීන්ගේ සුභ සාධනය වෙනුවෙනි.
එමෙන්ම කණ්ඩායම් හයකින් සැදුම් ලත් මෙම තරග වටයේදී අවසන් තරඟයට Colombo Riders and Colombo eagle යන කණ්ඩායම් තරඟ වැදුණු අතර colombo Riders කණ්ඩායම එක් ලකුණකින් තරඟය ජයග්‍රහණය කලා. කුසලාන ප්‍රධානයද මෙහිදී සිදු කෙරුණු අතර හිටපු කතානායක සහ ශ්‍රී ලංකා ක්‍රිකට් ආයතනයේ හිටපු සභාපති තිලංග සුමතිපාල මහතා ඇතුළු ආරාධිතයන් රැසක් එක්ව සිටියා.
මෙහිදි 2024 පහ වසර ශිෂ්‍යත්වයට පෙනී සිටි මෙම සංගමයේ සාමාජිකයෙකු වූ මාධ්‍යවේදී ලංකා ඩී ජයවර්ධන මහතාගේ පුතා හංස හෙට්ටිආරච්චි ශිෂ්‍යත්ව විභාගයෙන් සමත්වීම නිසා ඇගයීමට ලක් කෙරුණු අතර හිටපු නියෝජ්‍ය කතානායක තිලංග සුමතිපාල මහතාගේ අතින් මුදල් පරිත්‍යාගයක් ලබා දුන්නා.
