ගල්කිස්ස මහේස්ත්‍රාත් ඒ.ඩී. චතුරිකා ද සිල්වා මහත්මිය අද (25) කොළඹ වංචා විමර්ශන කාර්යාංශයට නියෝග කළේ, ව්‍යාජ ඔප්පුවක් මගින් දෙමහල් ගොඩනැගිල්ලක් සහිත ඉඩමක් රුපියල් ලක්ෂ 36කට බදු දී සිදු කළ වංචාවක් සම්බන්ධයෙන් වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ, කම්කරු නියෝජ්‍ය අමාත්‍ය මහින්ද ජයසිංහ සහ කඩුවෙල නගරාධිපති රන්ජන් ජයලාල් යන අයගෙන් ප්‍රකාශ සටහන් කර ගොනු කරන ලෙසයි.
වංචා විමර්ශන කාර්යාංශය විසින් අදාළ ලේඛන අධිකරණයට ඉදිරිපත් කර ඇති අතර, අගතියට පත් පාර්ශ්වය විසින්ද අමතර ලේඛන 35ක් ඉදිරිපත් කෙරිණි. මෙම නඩුව ලබන අගෝස්තු 22 වැනිදා යළි කැඳවීමට නියමිතයි.
