බෝදාගම චන්දිම නාහිමි
නාගානන්ද ජාත්‍යන්තර බෞද්ධ විශ්වවිද්‍යාලය වෙනුවෙන් උපකුලපති බෝදාගම චන්දිම නාහිමි විසින් විපතට පත් බුරුම ජනතාවට සහන සැලසීම සඳහා ඇමරිකානු ඩොලර් 10,000ක මූල්‍ය පරිත්‍යාගයක් සිදුකළ අතර උන්වහන්සේගේ සම්බන්ධීකරණයෙන් එරට බලායන චීන වෛද්‍යවරුන් 41 කණ්ඩායමට අවශ්‍ය පහසුකම් සැලසීම සම්බන්ධයෙන් ද විශේෂ සාකච්ඡාවක් සිදු කෙරුණි.
බුරුමයේ භූ කම්පනයෙන් විපතට පත් වෙහෙර විහාරස්ථාන සංවර්ධනය පිළිබදව ද මෙහිදී අවධානය යොමු වූ අතර මෙම අවස්ථාවට නාගානන්ද ජාත්‍යන්තර බෞද්ධ අධ්‍යයන ආයතනය වෙනුවෙන් එහි නියෝජිත පිරිසක් හා තානාපති කාර්යාලයේ නියෝජිත පිරිසක් සහභාගි විය.
“භූමිකම්පාවෙන් බුරුමයට විශාල විනාශයක් වෙලා තියෙනවා. ශ්‍රී ලංකාවත්, බුරුමයත් අතර අවුරුදු දාස් ගාණක සම්බන්ධයක් තියෙනවා. ඒ අනුව අපි මේ අවස්ථාවේදී බුරුමය වෙනුවෙන්, අනාථ වෙච්ච අය වෙනුවෙන්, ඒ වගේම ඒ විනාශ වෙච්ච එක වෙනුවෙනුත් අපි යම්කිසි වැඩපිළිවෙලක් කරන්න හිතුවා. මොකද දෙදහස් හත, දෙදහස් අට කුණාටුව වෙලාවේ අපි බුරුමෙට ගිහිල්ලා ගෙවල් දෙදාහකට වැඩිය හදලා දීලා, කන්ටේනර් පනහකට වැඩිය බඩු යවලා, උදව් කරා. මේ අවස්ථාවේදීත් ඒ වගේ විශාල ව්‍යසනයක් වෙලා තියෙන නිසා තානාපතිතුමිය හමුවෙලා සාකච්ඡා කරලා, මේ අවස්ථාවේදී බුරුමය වෙනුවෙන් කරන්න ඕන වැඩපිළිවෙල පිළිබඳව සාකච්ඡා කරන්න තමයි ආවේ.”
සම්පූර්ණ වීඩියෝව නැරැඹීමට>>>>>>>>>>>>>
