තමන් මේ කුමන්ත්‍රණය පිටිපස්සේ හිටියේ නැත්නම් වැරදිකාරයන් නෙවෙයි නම් පරීක්ෂණ කරන්න ඉඩ දෙන්න ඕනෑ. බය වෙන්න ඕන නැහැ. ජනාධිපති කොමිසම් වාර්තාව පැහැදිලිව කියා තියෙන දේවල් තෝර තෝර ඉන්නේ ඇයි. මේ අයට මොකක් හරි හංගන්න තියෙනවා. රහසක් තියෙනවා යැයි මැල්කම් කාදිනල් රංජිත් අගරදගුරු තුමෝ පවසති.
පාස්කුදා ප්‍රහාරය සිදුවී මාස 30 ක් ගතවූ දිනය නිමිත්තෙන් මීගමුව කටුවපිටිය ශාන්ත සෙබස්තියන් දේවස්ථානයේ පැවැති දිව්‍ය පූජා යාගයට සහභාගි වෙමින් කාදිල් තුමෝ ඒ බව පවසති.
අගරදගරු තුමන් පැමිණෙන අවස්ථාව වනවිට පැමිණ සිටි ප්‍රදේශයේ ජනතාව පාස්කු ප්‍රහාරය හා ඒ පිලිබදව කෙරුණු පරීක්ෂණ සම්බන්ධයෙන් සදහන් වැකි සහිත පුවරු අතැතිව විරෝධය පල කළහ.
එමෙන්ම ජනතාවගේ මෙතෙක් ඉටු නොවුනු ඉල්ලීම් සම්බන්ධයෙන් නැවතත් රජයට බාරදීම සදහා වන සංදේශයක් මෙහිදී අස්සන් කෙරුනු අතර එය කාදිනල් හිමියන් වෙත බාර කරනු ලැබීය.
තමන් වැරදි කළානම් එය කියන්න එතකොට අපිට ප්‍රශ්නය නිරාකරණය කරගන්න පුලුවන් වෙයි. නැතුව ඒක යට ගහලා බලය ආරක්ෂා කරගන්න හරි බලයට එන්න හිරි කවුරු හරි උත්සාහ කරනවානම් ඒගොල්ලෝ මෝඩ මිනිස්සු හැටියට හදුන්වනනවා
එහිදී ජනතාව හමුවේ අදහස් පල කල උන්වහන්සේ මෙසේද සදහන් කළහ.
මේ අයගේ දුක වේදනාව තුනී කරන්නට නම් මේ ප්‍රහාරය කලේ කවුද කියා විනිවිද පේන ආකාරයෙන් සොයා බැලිය යුතුයි. පක්ෂග්‍රාහි නොවන නිදහස් බවයි අපේ හැගීම වුණේ. නමුත් අවාසනාවාට මේ ප්‍රහාරය පිලිබදව එවැනි පරීක්ෂණයක් සිදු වන්නේ සිදුවුනේ නැහැ. සිදුවන පරීක්ෂණ දේශපාලන බලවේගවලට අවශ්‍ය විදියටයි සිද්ධ වෙන්නේ. මේ පරීක්ෂණවල විනිවිද භාවය සත්‍ය ගරුක බව හරියටම තේරුම් ගන්න නැති නිසා මේ පරීක්ෂණවලින් අපිට වැඩක් නැහැ.
ජනාධිපති කොමිසන් වාර්තාව ලබාදී දවස් දෙකක් යනකොට ජනාධිපතිතුමා මට ටෙලිපෝන් කර කිව්වේ මේ ඔක්කොම නිර්දේශ කොහොම කරන්නද කියලයි. එතැනින්ම පැහැදිලි වුණා මට මේවා මට ක්‍රියාත්වක නොවන බව. ඊට දවස් කීපයකට පසු ඇමති කමිටුවක් දැම්මාම ඒක හොදටම සනාථ වුනා. ඒ ඇමතිවරු හය දෙනා ජනාධිපතිගේ පක්ෂ‍යේ අය නිසා නිගමනය කරන්න පුලුවන් වුණා. ඒ නිසා දේශපාලන මතිමතාන්තර මුදුන්පත් කරගෙන මේ පරීක්ෂණ ක්‍රියාත්මක වීම නිසා සත්‍ය හෙලිදරව් වන ක්‍රියා මාර්ගයක් නොවන බව අපේ විශ්වාසය වුණා.
- පුෂ්පකුමාර මල්ලවආරච්චි
