“එහිපස්සිකෝ” සාම පාගමනේ අවසන් රාජ්ය උත්සවයෙන් පසු, පූජ්ය පඤ්ඤාකර ස්වාමීන්වහන්සේ ජනාධිපති අනුර කුමාර දිසානායක මහතා හමු වූයේ ඊයේ (28) රාත්රියේ ජනාධිපති කාර්යාලයේදීය.
මෙහිදී උන්වහන්සේ ශ්රී ලංකාවේදී සාම පාගමන සාර්ථකව පැවැත්වීමට ලබා දුන් රාජ්ය අනුග්රහය පිළිබඳව ස්තූතිය පළ කළ අතර, එය දිරිගන්වන අත්දැකීමක් බවද අවධාරණය කළහ.
ඇමරිකාවේ “ධම්මචේතිය” ව්යාපෘතිය සඳහා ජය ශ්රී මහා බෝධීන් වහන්සේගේ බෝධි අංකුරයක් තෑගි කිරීමත්, ජාත්යන්තර වෙසක් උත්සවයේදී සර්වඥ ධාතූන්වහන්සේලා ප්රදර්ශනය කිරීමට අවසර ලබා දීමත් පිළිබඳවද උන්වහන්සේ කෘතඥතාව පළ කරන ලදී.
ජනාධිපතිවරයා සඳහන් කළේ, මෙම සාම පා ගමන හේතුවෙන් ශ්රී ලංකාවේ ඇති වූ බෞද්ධ ප්රබෝධය තවදුරටත් පවත්වා ගෙන යාමට රජය කැපවී ඇති අතර, ශ්රී ලංකාව සාමයේ සහ මනුෂ්යත්වයේ දිවයිනක් බවට ඔසවා තැබීම අපේක්ෂාව වගයි.
